گب از رۊزگار رفته حکاىت امرۊ ىته کتابفرۊشي ويترينˇ مئن "از رۊزگار رفته " کتاب، کي بگۊ بشتؤ اي ايسه ابراهيم گلستانˇ جي بدئم. کتابفروش‌رسانیي دؤرين بشؤم و ديکؤن دارˇجي کتاب قىمته واورسم. بۊته: هيژده تۊمن. بۊتم: هيژژژده تۊمن -اينه مي ديلˇ مئل بۊتم- تشکر بۊدم ؤ بمأم بيرۊن و ويترينˇ پيش بئسأم و ايکۊم-اۊکۊم بۊدم کي بئهينم ىا نهينم. بهين-نهينˇ سر ايسأبۊم کي نفأهمسم چيمؤقئه ديکؤن دؤرين ايسأم ؤ کتاب مي دس دره. ابراهيم گلستان، مي دۊستداشتني شخصيته. "تله" (خرۊس) اولين کتابي بۊ کي ابراه

گب ىک جيگا شي بؤن تۊ کؤره شي ايسي؟ کرجˇشي، تئرؤنٚˇشي، رشتˇشي، لاىجؤنˇشي، سياکلˇشي. راستش مۊ نؤنم کؤره شي ايسم! کرجˇشينم، ،تئرؤنˇشينم، رشتˇشينم، لاىجؤنˇشينم، سياکلˇشينم. اهلˇ ىک جيگا شي بؤن خوبه. يجيگا دۊنىا أيي، ىجيگا پيله بي، ىک جيگا عاشقأبي، ىک جيگا تي شادي ؤ غۊصه ديني. اهلˇ ىک جيگا شي بؤن خوبه. ىک جيگا شي کي ببي دؤني، ىک جيگا زندگي کۊني ، ىک جيگا کوچه خيابؤنأنˇجي ؤ دار ؤ ديوارˇجي و آدمؤنˇجي ديل دودي ؤ خاطره تلمبار کۊني و دؤني تي سرنوشت، تي بۊگذشته رۊزگار و تي اينده؛ تي خ

گب هيتؤ ناواخؤ ناواخؤ بۊ.. هيتؤ ىوارکي بۊ... کلمه'نه سر فيکر نۊکۊده بۊم، اۊشنه دچين وأچين نۊکۊده بۊم، هيته ىوارˇکي بۊ که اتفاق دکت. ىعني اصن فيکر نۊکۊده بۊم که هسا خا چي زواني گب بزنم بأ چۊتۊ جمله بندي بۊکۊنم ؤ.. . ناواخؤ بۊ.. هیتؤ ناواخؤ گيلکي گب بزم. مي گب زني که تۊمنا بۊ تازه واخؤ بۊبؤم که گيلکي گب بزم و تا چنرۊزي کئفۊر بۊم اي اتفاقˇجي. دير راه دکتم. چندسالˇ پسي که گيلکي جي درگيرم ؤ کش زئدرم گيلکي گب بزنم و نؤنم مي کمکاري سر بۊ ىا مي خنگي ؤ بي استعدادي سر و ىا مي تامأچه ب